Një ngjarje e rëndë ka ndodhur në provincën e Bolonjas, Itali, ku një shtetas shqiptar 38-vjeç ka humbur jetën gjatë punës në një fermë bujqësore.
Sipas mediave italiane, familjarët e viktimës filluan ta kërkonin me shqetësim, pasi nuk po mundeshin të lidhnin kontakt me të. Ata e gjetën atë të pajetë në vendin e punës.
Megjithëse rrethanat e sakta të aksidentit ende nuk janë sqaruar plotësisht, hetuesit dyshojnë se shqiptari është përplasur dhe shtypur për vdekje nga një traktor.
Pavarësisht se ndihma e shpejtë mbërriti në vendngjarje, mjekët nuk mundën të bënin asgjë për ta shpëtuar.
Në vendin e ngjarjes ndodheshin edhe inspektorët e sigurisë në punë dhe karabinierët, të cilët kanë nisur hetimet për të zbardhur detajet e aksidentit. Traktori është sekuestruar nga autoritetet për hetime të mëtejshme.
