Gjatë një operacioni të Agjencisë së Mbikëqyrjes Policore në Kapshticë u sekuestruan në një mjet që udhëtonte drejt Greqisë 6 kilogramë lëndë narkotike e llojit heroine.
Lidhur me këtë rast janë arrestuar drejtuesi i mjetit ku u gjet droga si dhe katër punonjës policie të kufirit, mes tyre një përgjegjës turni.
Të arrestuarit:1- Valmir Balliu banues ne Verdove, Pogradec (Shtetas)
2.N/komisar Ylli Dushku me detyre Pergjegjes Turni ne PKK Kapshticë
3.Inspektor Franc Bylyku me detyre N/specialist kontrollor ne PKK Kapshticë
4.Inspektor Lirim Hymetllari me detyre Trupe sherbimi ne PKK Kapshticë
5.Inspektor Denion Myteberi me detyre Trupe sherbimi kontroll vija e dyte ne PKK Kapshticë
Ata akuzohen për veprën penale “shpërdorim detyre”.
Në cilësinë e provës materiale janë sekuestruar 6 kg e 134 gr lëndë narkotike e dyshuar “Heroinë”, 5 aparate celularë, 256 fishekë (pistoletë model TT), 20 fishekë armë gjahu model 12 dhe një automjet.
Grupi hetimor vijon punën për zbardhjen e veprimtarisë dhe rolit që kanë punonjësit e policisë kufitare në Kapshticë.
