Një ngjarje tragjike ka tronditur qytetin e Grazit në Austri, ditën e djeshme ku humbën jetën 11 persona, si pasojë e një sulmi të armatosur në një shkollë nga një 21-vjeçar.
Mes viktimave ishte edhe Lea Bajrami, një vajzë 15-vjeçare me origjinë nga Kosova.
Lajmin e trishtë për vdekjen e Leas, e kanë konfirmuar familjarët e saj, të cilët kanë shpërndarë në rrjete sociale një fotografi të saj, ku ajo shihet e veshur me fanellën e Kosovës.
“Pusho e qetë, engjëlli jonë i familjes, LEA. Lea jonë humbi jetën shkaku i sulmit terrorist sot në Graz të Austrisë!”, ka shkruar Eroll Bajrami, një i afërm i saj.
Ndërkohë, autoritetet austriake janë duke hetuar motivet e sulmit i cili shkaktoi 10 të vdekur e dhjetëra të plagosur.
