Presidenti i Turqisë, Recep Tayyip Erdogan, gjatë një konference për media në kuadër të Samitit të NATO-s, ka folur edhe për situatën në veriun e Kosovës, ku aktualisht janë të stacionuara trupat e KFOR-it nën komandë turke.
Duke iu përgjigjur në Hagë pyetjes së gazetarit kosovar Urall Boshnjaku, Erdogan u shpreh se përderisa forcat turke të KFOR-it janë të pranishme në veriun e Kosovës, ai beson, siç tha me shprehjen “inshallah”, se nuk do të ketë asnjë problem.
“Trupat e KFOR-it nga Turqia ndodhen në atë zonë. Përse janë aty? Për të ruajtur paqen dhe qetësinë. Dhe sa kohë që KFOR-i turk është i pranishëm atje, shpresoj që nuk do të ketë dhe nuk mund të ketë asnjë problem“, tha Erdogan.
