Pas identifikimit të vatrës së parë të murtajës së ruminantëve të vegjël në një fermë në Libohovë, autoritetet veterinare në Gjirokastër kanë intensifikuar kontrollet në fermat e zonës dhe tufat e bagëtive.
Sipas përgjegjëses së sektorit veterinar në qark, Flora Zharkalli, 256 krerët e bagëtive në fermën e prekur janë karantinuar, ndërsa është vendosur zonë kontrolli prej 3 dhe 10 kilometrash përreth vatrës. Zonat e përfshira në këtë rreze përfshijnë qytetin e Libohovës, Nepravishtën, si dhe pjesë të njësive Dropull, Pogon, Antigonë dhe Lazarat.
“Monitorimi është i përditshëm, sepse sëmundja mund të shfaqet edhe në formë subklinike”, tha Zharkalli. Në bashkëpunim me Laboratorin e Sigurisë Ushqimore dhe Veterinare në Tiranë, po analizohen çdo rast i dyshuar.
