GJKKO ka liruar nga arresti shtëpiak Jamarbër Malltezin.
Dhëndri i Berishës kishte kërkuar revokim të masës së sigurisë, ndërkohë që gjykata i ka caktuar një garanci pasurore prej 3 milionë lekësh.
Sakaq, mësohet se është rrëzuar edhe kërkesa e gjyqtares Elsa Ulliri për dorëheqje.
Dosja për aferën Partizani, kaloi për gjykim më 19 maj, pak ditë pas zgjedhjeve të 11 majit. Malltezi akuzohet për korrupsion pasiv dhe pastrim parash.
Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.
