Përshkallëzimi i tensioneve në marrëdhëniet mes presidentit Donald Trump dhe presidentit rus Vladimir Putin, për shkak të mungesës së një marrëveshjeje për një armëpushim mes Rusisë dhe Ukrainës, ka rindezur debatin ndërkombëtar mbi mënyrat efektive për ta detyruar Kremlinin të ulet në tryezën e negociatave.
Përtej mbështetjes ushtarake të Ukrainës përmes furnizimeve me armë, tashmë ekziston një konsensus në rritje edhe nga Presidenti Trump, qe miratoi furnizimin mnë kuadër të NATO-s. Por në plan të parë po del gjithnjë e më shumë një mjet tjetër presioni: asetet e sekuestruara ruse që ndodhen në vendet perëndimore që nga fillimi i luftës në vitin 2022.
Këto fonde, të ngrira në bankat qëndrore apo institucione të tjera financiare perëndimore, përfaqësojnë një instrument potencialisht të fuqishëm jo vetëm për të financuar rindërtimin e Ukrainës pas luftës, por edhe për të mbështetur qëndresën e saj ushtarake.
ADVERTISING
Kthimi i pasurive të ngrira të Kremlinit në burim financimi për viktimën e agresionit, pra për Ukrainën, do të ishte një kthesë historike në të drejtën ndërkombëtare, me pasoja të gjera politike dhe gjeostrategjike.
Në këtë kontekst ka marrë rëndësi të veçantë një iniciativë ligjore e çuar përpara në Këshillin e Evropës nga Lulzim Basha, në rolin e tij si raportues për këtë institucion.
Rezoluta për përdorimin e aseteve të sekuestruara të Rusisë në favor të Ukrainës u miratua me unanimitet nga Asambleja Parlamentare e KiE dhe është shndërruar tashmë në një nga referencat kyçe të debatit ndërkombëtar mbi këtë çështje.
Kjo rezolutë është konsideruar si bazë ligjore dhe politike për avancimin e masave konkrete në nivel ndërkombëtar dhe është përmendur në mënyrë të drejtpërdrejtë nga figura të rëndësishme politike në SHBA.
Një nga zërat më të angazhuar në këtë drejtim është kongresmeni republikan French Hill, i cili foli së fundmi në emisionin “Face the Nation” të CBS. Hill është një prej përkrahësve më të fortë të përdorimit të aseteve të ngrira ruse për të mbështetur Ukrainën, dhe në intervistë ai vuri theksin te roli i legjislacionit të propozuar në SHBA dhe nismës së Këshillit të Evropës, duke i bërë thirrje si Sekretares së Thesarit, Bessent, ashtu edhe Presidentit Trump, që t’i japin përparësi kësaj qasjeje në mandatin e ardhshëm.
Pjesë nga intervista me kongresmenin French Hill (CBS, “Face the Nation”):
Gazetarja: Ju propozuat një projektligj dhe i dhatë presidentit autoritetin për t’i sekuestruar ato gjatë administratës së fundit sipas aktit të repo-s. SHBA-të nuk kanë sekuestruar kurrë më parë asete të bankave qendrore nga një vend tjetër. A e dini nëse Departamenti i Thesarit do ta bëjë këtë tani?
Hill: Margaret, është mirë të jem me ty. Po, sigurisht që kam punuar shumë me ish-panairet e Floridës. Kryetarin Mike McCall dhe të tjerët për ta përfshirë këtë në Paketën tonë të Sigurisë Kombëtare të vitit 2024 gjatë administratës Biden, sepse donim një tjetër shigjetë në kukurën që Presidenti jo vetëm të sekuestronte ato asete, por t’i shndërronte ato në dobi të Ukrainës, por nuk mundëm kurrë të merrnim konsensus midis Shteteve të Bashkuara dhe Evropës për ta bërë këtë pavarësisht një vote unanime të Asamblesë Parlamentare të Këshillit të Evropës që e mbështeste atë. Kështu që vazhdoj ta nxis Presidentin Biden ta bëjë këtë. Mora interesin e këtyre aseteve të ngrira në dobi të Ukrainës. Por mendoj se është koha që presidenti t’i shndërrojë ato asete të sekuestruara në një llogari besimi në dobi të Ukrainës. Jam i lumtur që dëgjoj si Synderers Blumenthall ashtu edhe Graham që e mbështesin këtë ide. Është koha ta bëjmë. Dhe e kam inkurajuar Sekretaren Beset që kjo duhet të jetë një përparësi për Presidentin Trump.
