Personi në foto është Bledar Spahiu, 43 vjeç, i cili humbi jetën sot në aksident në rrugën e Arbrit.
Sipas raportimeve, Bledari ishte nisur drejt Peshkopisë, ku do të bashkohej me forcat zjarrfikëse që po punojnë për të shuar flakët në Parkun Kombëtar Lurë-Mali i Dejës.
Viktima ishte baba i dy fëmijëve dhe punonjës i repartit zjarrfikës në Dibër.
Fillimisht ai u dërgua me plagë të shumta në Spitalin Rajonal të Dibrës, por për shkak të përkeqësimit u nis me urgjencë për në spitalin e Traumës.
Fatkeqësisht ai nuk mundi t’i mbijetonte lëndimeve që mori, dhe ndërroi jetë rrugës për në Tiranë.
