Granit Xhaka është kthyer në çështje te Leverkuseni. Pasi agjenti i tij e shprehu se dëshira e mesfushorit shqiptar është të kthehet në Angli, për të luajtur me Sandërlendin, trajneri Ten Hag ka reaguar.
“Agjenti i Xhakës mund të thotë çfarë të dojë, por klubi i tij i ka lënë tashmë tre lojtarë të rëndësishëm të largohen, dhe nuk do të lejojmë të tjerë të ikin. Graniti është një lider, ka akoma tre vite të mbetura kontratë këtu”, u shpreh Ten Hag.
Çfarë kishte thënë më parë Hoze Noguera Rodrigez është:
“Është ë vërtetë që ka një akord në parim mes klubit dhe lojtarit, ne kemi qenë gjithmonë në kontakt me Bajer Leverkusenin dhe ata që e drejtojnë kanë qenë gjithmonë të ndërgjegjshëm për situatën.
Ne kemi kërkuar leje që të flasim me Sandërlendin, Leverkuseni pranoi si shenjë respekti ndaj Granitit. Tani çdo gjë është në dorën e klubeve”.
Xhaka nuk po gjen aspak qetësi në këtë merkato vere. Dhe tashmë nuk është Milani në mes, por një klub anglez.
