Një ngjarje e rëndë është shënuar këtë të diel në fshatin Çukë të Sarandës, ku një vajzë 15-vjeçare është gjetur e pajetë në banesën e të afërmve të saj.
E mitura, e cila kishte ardhur nga Tirana për pushime pranë familjarëve në zonë, dyshohet se i ka dhënë fund jetës në rrethana ende të paqarta. Sipas burimeve paraprake, ajo është gjetur e vetëvarur.
Menjëherë pas njoftimit, forcat e policisë kanë mbërritur në vendngjarje dhe kanë nisur hetimet për të zbardhur shkaqet dhe rrethanat e kësaj ngjarjeje tragjike. Trupi i viktimës është transportuar në morgun e spitalit të Sarandës, ku do t’i nënshtrohet ekspertizës mjeko-ligjore.
