Mesditën e kësaj të shtune, Tirana është përfshirë nga mot i keq, me reshje të dendura shiu dhe erëra të fuqishme.
Stuhia ka ndikuar drejtpërdrejt në trafikun ajror, duke krijuar vështirësi në uljen e avionëve në aeroportin ndërkombëtar “Nënë Tereza”.
Sipas të dhënave nga Flightradar24, shtatë avionë janë ulur njëri pas tjetrit brenda një kohe të shkurtër, teksa kontrollorët dhe pilotët po punojnë për të menaxhuar situatën.
Megjithatë, jo të gjitha fluturimet kanë mundur të kryhen me sukses. Një avion i kompanisë “LOT Air” nuk ka arritur të ulet për shkak të erërave të forta, pavarësisht disa përpjekjeve të pilotit për të manovruar mbi pistë.
Aeroportin Nënë Tereza njofton se për shkak të motit dhe kushteve të rënduara atmosferike, skuadra e aeroportit ka pezulluar operacionet në pistë për rreth 30 minuta, kjo për të garantuar siguri maksimale të pasagjerëve.
