Një ngjarje e rëndë ka ndodhur pasditen e sotme në Valias të Kamzës. 51-vjeçari, Arben Legisi ka ndërruar jetë pasi ra në kontakt me rrymën elektrike.
Dyshohet se Legisi po rregullonte një defekt elektrik, kur ra në kontakt me energjinë elektrike dhe humbi jetën.
Grupi hetimor ndodhet në vendngjarje.
Njoftimi i policisë:
Kamëz/Informacion paraprak.
Rreth orës 16:45, në Valias, shtetasi A. L., rreth 51 vjeç, dyshohet se gjatë kohës që po rregullonte një defekt elektrik ka rënë në kontakt me energjinë elektrike, dhe për pasojë ka humbur jetën.
Grupi hetimor ndodhet në vendngjarje dhe po punon për sqarimin e rrethanave të rastit.
