Dita e sotme do të karakterizohet nga kushte atmosferike të qëndrueshme në të gjithë territorin e vendit, duke sjellë mot të kthjellët dhe pa reshje shiu.
Era do të fryjë kryesisht me drejtim juglindje – veriperëndim, me një shpejtësi mesatare prej 5 m/s. Në zonat luginore dhe përgjatë bregdetit, pritet që era të fitojë intensitet, duke arritur përkohësisht deri në 10 m/s.
Deti do të paraqitet i qetë, me valëzim të ulët, në forcën 1-2 ballë, çka krijon kushte të favorshme për lundrim dhe aktivitetet detare.
