Një skenë kaotike është regjistruar mbrëmjen e sotme në zonën e Astirit, ku një person është vënë në pranga pasi nuk iu bind urdhrit të policisë rrugore.
Nga pamjet e siguruara nga Top Channel, shihet një grua që bërtet me zë të lartë, ndërsa efektivët ndërhyjnë ndaj një tjetër personi. Situata është përshkallëzuar shpejt, duke detyruar policinë të angazhojë një numër të madh forcash në vendngjarje për të neutralizuar konfliktin.
Shkaqet që çuan në këtë përplasje ende nuk janë bërë të ditura, ndërsa blutë vijojnë të ndërhyjnë për të qetësuar situatën.
