Mesfushori i Kombëtares, Qazim Laçi, foli shkurtimisht pas triumfit 1 me 0 që Shqipëria arriti në shtëpi ndaj Letonisë. Në prononcimin e dhënë për mikrofonin e “Supersport”, mesfushori kuqezi u shpreh:
“Kemi treguar dëshirën për ta fituar patjetër këtë ndeshjen nga minuta e parë. Në pjesën e parë krijuam më shumë raste. Na mungon finalizimi si gjithmonë. Kemi folur të gjithë lojtarët. Nuk është e lehtë t’i çash kur janë 5 që mbrohen. Për fat të keq nuk shënuam më shumë. Shpresoj të na vijnë golat me Serbinë. Në Serbi na pret një ndeshje shumë e vështirë, e treguam në “Air Albania” që nuk e kemi frikë Serbinë. Çdo aksion që do kemi duhet ta finalizojmë sa më shpejt”, u shpreh Laçi. PANORAMASPORT.AL
