Kryeministri Edi Rama ka dhënë lajmin se të martën, më 16 shtator, Shqipëria do të hapë edhe 4 kapituj të tjerë të negociatave për anëtarësim.
“Te marten, date 16 shtator, Presidenca Daneze e BE-se na fton që në praninë e Ministrave të Jashtëm të të gjitha vendeve anëtare, të hapim edhe 4 kapituj të tjerë të negociatave për anëtarësim”, shkroi kreu i qeverisë.
Rama shprehet se ky është një rekord absolut për shpejtësinë e një procesi negociatash.
Ai theksoi se u vendos, sipas tij, edhe një tjetër gur kilometrik në rrugën drejt majës së Shqipërisë 2030 në BE.
“🔴 TJETËR LAJM I MIRË – Shqiperia nuk ndalet🦅
Te marten, date 16 shtator, Presidenca Daneze e BE-se na fton që në praninë e Ministrave të Jashtëm të të gjitha vendeve anëtare, të hapim edhe 4 kapituj të tjerë të negociatave për anëtarësim, të cilët u shtohen 24 kapitujve që kemi hapur në vetëm 11 muaj – një rekord absolut për shpejtësinë e një procesi negociatash.
Agjenda e Gjelbër dhe Ndërlidhja e Qendrueshme, mbi fusha te rendësisë jetike, si Transporti, Energjia, Rrjetet Transeuropiane dhe Mjedisi, janë tanimë në tryezë. U vendos edhe tjetër gur kilometrik në rrugën drejt majës së Shqipërisë 2030 në BE🇦🇱✋🇪🇺”, shkruan Edi Rama.
