Pas konstituimit të Kuvendit ditën e premte, tashmë jeta parlamentare në vend pritet të zhvillohet vrullshëm dhe palët politike kanë nisur të përcaktojnë krerët e komisioneve për legjislaturën e re.
Kryetari i Kuvendit, Niko Peleshi, paralajmëroi në fundjavë mbledhjen e Konferencës së Kryetarëve për të rakorduar procedurat e formimit të strukturave të reja parlamentare. Socialistët, siç u bë e ditur në Asamblenë Kombëtare, kanë propozuar që të shtohet numri i komisioneve të përhershme nga 8 në 11, dhe 7 prej tyre të udhëhiqen nga mazhoranca.
Nga ana e Partisë Socialiste raportohet se këta janë emrat e përzgjedhur për të marrë drejtimin e disa prej Komisioneve:
Komisionet nën drejtimin e PS
- Ekonomia, Punësimi dhe Financat – Milva Ekonomi
- Çështjet Ligjore dhe Administrata Publike – Ulsi Manja
- Çështjet e Brendshme dhe Mbrojtja – Bledi Çuçi
- Burimet Natyrore, Infrastruktura dhe Zhvillimi i Qëndrueshëm – Anila Denaj
- Bujqësia, Ushqimi dhe Zhvillimi Rural – Blendi Klosi
- Evropa dhe Punët e Jashtme – Igli Hasani
- Nismat Qytetare, Bashkëpunimi dhe Mbikëqyrja Institucionale – Fatmir Xhafaj
Si zëdhënëse e Grupit Parlamentar të PS-së është propozuar Eriona Ismaili, ndërsa do të ketë edhe dy Komisione të Posaçme:
- Reforma Territoriale – Arbjan Mazniku
- Reforma Zgjedhore – Damian Gjiknuri
Propozimet për ristrukturimin e parlamentit do të debatohen duke nisur nga e enjtja në një seancë maratonë, kur shumica politike pritet të paraqitë edhe programin qeverisës dhe më tej kërkesën për të votëbesuar kabinetin e ri “Rama 4”.
