Në Tiranë më 24 shtator do të mbahet takimi i parë i nivelit të lartë i Komitetit të Monitorimit të Facilitetit për Reforma dhe Rritje (RGF).
Ky forum synon të vlerësojë progresin e Shqipërisë në kuadër të Agjendës Kombëtare të Reformave, të evidentojë sfidat që kanë shoqëruar procesin dhe të përcaktojë masat e mëtejshme. Në qendër të diskutimeve pritet të jetë koherenca e reformave me procesin e integrimit europian dhe ndikimi i tyre në rritjen ekonomike.
Në takim do të marrin pjesë përfaqësues të institucioneve shtetërore, delegacionit të BE-së në Tiranë, trupit diplomatik, organizatave financiare ndërkombëtare, biznesit dhe shoqërisë civile.
