Më 23 – 24 shtator u zhvillua trajnimi “Etika e Komunikimit”, i ndjekur nga specialistë dhe menaxherë të marrëdhënieve me klientin, marketingut dhe burimeve njerëzore të sektorit bankar. Organizuar nga AAB në bashkëpunim me AIEx – Austrian Institute of Excellence , trajnimi fokusohej në tema kyçe si komunikimi etik në media, komunikimi i shkruar dhe personal, si dhe komunikimi brenda organizatës.
Pjesëmarrësit trajtuan gjithashtu menaxhimin e konfliktit, rolin e identitetit personal dhe etikën në kontekstin e komunikimit në sektorin bankar, duke nxitur profesionalizëm dhe integritet në çdo nivel të punës.
