Vali Bizhga, shefja e kabinës së kryeministrit Edi Rama, ka dhënë dorëheqjen nga posti i saj.
Në vend të saj, detyrën e shefes së kabinetit e ka marrë Vilma Premti, e cila më parë ka shërbyer si shefe e kabinetit të Holta Zaçajt, kryetares së Gjykatës Kushtetuese.
Bizhga ka qenë një bashkëpunëtore e ngushtë e Ramës që prej kohës kur ai ishte kryebashkiak i Tiranës dhe ka mbajtur një post të rëndësishëm.
Ajo prej kohësh konsiderohej si krahu i djathtë i kryeministrit dhe ka marrë drejtimin e kabinetit të Këshillit të Ministrave, që në vitin 2013.
Gjatë kësaj periudhe, Bizhga ka përballuar dhe fituar një sfidë të madhe me kancerin, një fakt që kreu i qeverisë Rama e ka bërë publik.
Ndërkohë, Vilma Premti, e cila prej shkurtit 2022 ka qenë drejtuese e kabinetit të ministres Elisa Spiropali për Marrëdhëniet me Parlamentin, tashmë emërohet në këtë post kyç, pranë kryeministrit.
