Një aksident i rëndë automobilistik është shënuar mbrëmjen e sotme në segmentin rrugor Qafë Mali – Fierzë, pranë zonës së njohur si “Shkëmbi i Dardhës”.
Sipas informacioneve paraprake, një automjet ka dalë nga rruga dhe ka përfunduar rreth 300 metra poshtë në një humnerë.
Menjëherë pas ngjarjes, në vendin e aksidentit kanë mbërritur forcat zjarrfikëse, policia dhe autoambulanca, të cilët po punojnë për shpëtimin e drejtuesit të mjetit.
Mjeti është lokalizuar nga zjarrfikësit dhe banorë të zonës, të cilët kanë qenë ndër të parët që kanë reaguar.
Burime nga terreni bëjnë me dije se drejtuesi i automjetit ndodhet ende gjallë dhe paraqet shenja jete, por nxjerrja e tij po vështirësohet për shkak të terrenit të thyer dhe errësirës.
Operacioni i shpëtimit vijon ende në kushte të vështira, ndërsa autoritetet po hetojnë për rrethanat e aksidentit
