Gazetari i njohur Alban Dudushi ka folur mbrëmjen e djeshme në emisionin “Goca dhe Gra” për jetën e tij personale, duke ndarë detaje interesante nga marrëdhënia me partneren, moderatoren Bieta Sulo.
Ndër të tjera, Dudushi tregoi se gjatë kohës kur punonin bashkë, debatet mes tyre ishin të shpeshta, por gjithmonë profesionale dhe me shumë pasion.
“Kishim shumë debate kur punonim bashkë. Gjatë kohës së emisionit, debatet ishin për të ftuarit, për temën, si duhej trajtuar. Por kur shkonim në shtëpi, harrohej ai muhabet. Debati ka rezultuar që ndonjëherë ka pasur Bieta, por edhe unë të drejtë,” – u shpreh ai.
Gazetari pranoi me humor se Bieta është më kokëfortë se ai, duke shtuar se në debatet e tyre “bëjnë xixa”, por kjo nuk ndikon në harmoninë e marrëdhënies.
“Ti do thuash a ka pasur më shumë të drejtë Bieta? Ne jemi qenie bazike, ju jeni 2.0. Kam një mikeshë që thotë që kur përplasemi bëjmë xixa. Tani, është Bieta më kokëfortë. Ne jemi të lumtur me njëri-tjetrin sepse edhe zihemi shumë,” – shtoi Dudushi.
Ai zbuloi gjithashtu një detaj të ëmbël për jetën e tyre familjare, duke thënë se i vetmi person që Bieta nuk e qorton kurrë për rrëmujën është djali i tyre, Kroi.
