Në seancën plenare të sotme, të datës 16 tetor 2025, Kuvendi i Shqipërisë nuk miratoi kërkesën e Partisë Demokratike për diskutimin dhe votimin e rezolutës mbi gjenocidin serb në Kosovë.
Kjo çështje nuk u fut në rendin e ditës për votim.
Ndërkohë, deputetët miratuan një sërë raportesh dhe projektligjesh të rëndësishme.
Raporti vjetor i Agjencisë së Sigurimit të Depozitave për vitin 2024 u miratua me 73 vota pro, 2 kundër dhe asnjë abstenim.
Raporti i Institutit të Studimeve për Krimet dhe Pasojat e Komunizmit në Shqipëri për vitin 2024 mori mbështetje unanime me 73 vota pro.
Raporti i Komisionerit për Mbrojtjen nga Diskriminimi për vitin 2024 u miratua me 73 vota pro dhe 1 kundër.
Projektligji “Për menaxhimin e integruar të mbetjeve” kaloi me 73 vota pro dhe 9 vota kundër.
Projektvendimi për ngritjen e Komisionit të Posaçëm Parlamentar për shqyrtimin dhe përzgjedhjen e kandidaturave për Komisionin Rregullator të KQZ-së u miratua me 73 vota pro dhe 1 kundër.
