Presidentja e Komisionit të Venecias, Hanna Suchocka, ka vlerësuar përparimin e Shqipërisë në drejtim të reformimit të sistemit gjyqësor, duke e cilësuar si një hap madhor në rrugën e konsolidimit të drejtësisë.
Suchocka theksoi se ky progres është reflektuar edhe në raportin e Komisionit të Venecias, ku autoritetet shqiptare janë përgëzuar për angazhimin dhe punën në zbatimin e reformës kushtetuese në sistemin gjyqësor.
“Shqipëria ka ndërmarrë një hap të rëndësishëm në drejtim të reformës në drejtësi. Kjo është nënvizuar qartë në raportin e Venecias të vitit 2016, ku janë përgëzuar autoritetet për përkushtimin e treguar në këtë proces. Vlerësojmë gjithashtu gatishmërinë për të marrë parasysh rekomandimet e ndërmjetësve dhe për të ruajtur një dialog të vazhdueshëm me Komisionin,” u shpreh Suchocka.
Ajo shtoi se prania e Komisionit të Venecias në Shqipëri dëshmon për nivelin e lartë të bashkëpunimit ndërinstitucional dhe për mbështetjen që vendi ka marrë në rrugën e reformave në drejtësi.
