Kreu i Djathtas 1912, Enkelejd Alibeaj ishte i ftuar mbrëmjen e sotme në Log. News24 teksa foli për raportin e OSBE/ODIHR për zgjedhjet e 11 majit në vend ku PS mori mandatin e katërt qeverisës.
Alibeaj thekson se raporti përcaktoi qartë se PS dhe PD kishin të gjitha privilegjet dhe përgjegjësitë në zgjedhjet e fundit, duke filluar nga financimi apo koha mediatike.
Më tej, në pah nxori edhe përdorimin e shtetit dhe administratës për të bërë fushatë për PS-në në zgjedhje.
Enkelejd Alibeaj: Konstatova që duke filluar nga 4 apo 5 çështjet ishte shumë besnik, çështja e përshkrimit, i bënte një ndarje jo më si diku vertikalisht pushtet opozitë, por horizontale. Kishte vendosur në të njëjtin pozicion dy partitë e mëdha, kundrejt pjesës tjetër. Duke filluar nga sistemi zgjedhor. Si u aplikua në 11 maji u miratua me marrëveshjen e partive të mëdha. Përgjegjësia dhe privilegji ishin mbi partitë e mëdha.
Së dyti, çështja e administrimit, e depolitizimit, e thotë qartë se dy partitë e mëdha administruan votën e shqiptarëve. Së treti, përdorimi i elektronikes e thotë qartë nuk duhet që KQZ të ishte në presion e partive PD-PS që nuk e lejuan të aplikonte sistemin. Lidhur me mediat, ka nxjerrë në konkluzion se dy partitë e mëdha kishin 83% të të gjithë hapësirës mediatike. Ndarja është dy partitë dhe pjesa tjetër.
E vetmja gjë që kishte vendosur vertikalisht ishte përdorimi i administratës ku pushteti përdor administratën, burimet shtetërore derisa është zvetënuar kufiri mes partisë dhe shtetit. Fotografia e OSBE ODIHR ka përcaktuar qartë se sistemi politik në Shqipërisë është i mbyllur mes dy partive, kanë uzurpuar çdo lloj hapësirë tjetër
