Modelja Oriola Marashi ka kërkuar ndjesë publike lidhur me një togfjalësh të cilin e kishte përdorur në një video, ku thoshte se rrobat i kishte blerë “te gabi në Laprakë”.
Në një postim në “Instastory”, Oriola thotë se nuk ishte në dijeni që fjala “gabi” ka konotacion ofendues për komunitetin rom dhe për këtë po kërkon ndjesë.
“Në një video që kam postuar më herët, përdora pa dashje një fjalë që nuk e dija se ishte ofenduese për komunitetin rom. E kam hequr videon dhe dua të kërkoj ndjesë nëse dikush është ndjerë i lënduar. Kam respekt të madh për çdo kulturë dhe komunitet në vendin tim”, ka shkruar ajo.
Në videon e fshirë tashmë nga profili i saj, njerëzit komentuan fjalët e modeles, duke i thënë të jetë më e kujdesshme, pasi mund të jenë ofenduese dhe raciste
