Një ngjarje e rëndë ka ndodhur mesditën e sotme në fshatin Shkallnur të Durrësit, ku djali, dyshohet me probleme të shëndetit mendor, ka goditur me thikë babain e tij. Detaje të reja dalin nga krimi i rëndë në një familje në Durrës, ku djali 25-vjeçar masakroi me thikë babain e tij.
Vrasja ndodhi brenda banesës së tyre në fshatin Shkallnur, rreth orës 13:00 të mesditës së sotme. 25-vjeçari me iniciale M. K., dyshohet me probleme të shëndetit mendor dhe ndodhet në arrati.
“Shërbimet e Policisë, menjëherë pas njoftimit, kanë shkuar në vendngjarje, kanë rrethuar zonën dhe po kryejnë kontrolle intensive, me qëllim kapjen e 25-vjeçarit”, informuan blutë.
Viktima, 69 vjeçari me iniciale P. K., raportohet se ka humbur jetën gjatë transportit për në spital.
Njoftimi:
Durrës/Informacion paraprak
Rreth orës 13:00, shtetasi M. K., 25 vjeç, dyshohet me probleme të shëndetit mendor, ka vrarë me mjet prerës (thikë), babanë e tij, shtetasin P. K., 69 vjeç, në banesën e tyre, në fshatin Shkallnur.
