Qeveria shqiptare ka vendosur të rrisë pagën minimale në 50 mijë lekë nga 1 janari 2026, një vendim që prek mbi 307 mijë punonjës, si në sektorin publik, ashtu edhe në atë privat.
Ministri i Financave, Petrit Malaj bëri të ditur sot se për të mbështetur bizneset dhe për të lehtësuar ndikimin financiar të rritjes së pagës minimale, qeveria do të subvencionojë për 9 muajt e parë një shumë prej 1 miliard lekësh.
Sipas tij, subvencionimi do t’u kompensohet kompanive për shpenzimet shtesë që burojnë nga rritja e pagës minimale për kontributet shoqërore për punonjësit privatë gjatë këtij periudhe.
“Pjesa e kontributit të sigurimeve shoqërore do të kompensohet nga shteti dhe shuma e parashikuar është 1 miliard lekë. Do t’u kompensohet ndërmarrjeve ose punonjësve privat për 9 muajt e parë të 2026-ës”, tha ministri.
