Hygerta Sako ka vendosur t’i japë lamtumirën ekranit, por vetëm atij sportiv. Prezantuesja e njohur, i ka dhënë lamtumirën projekteve sportive në RTSH ku drejtonte emisionet për kampionatin shqiptar dhe “Rubrikën Sportive”, por jo përfundimisht ekranit.
Që nga dita e sotme, ajo është një banore e Big Brother VIP në Kosovë, ku do të provojë një eksperiencë të re dhe të tregojë ndoshta edhe të pathënat e saj në një karrierë të gjatë televizive.
Kështu për Hygertën nis një etapë që kalon në plan të dytë sportin me të cilën ishte lidhur ngushtë së fundmi, ose të paktën duke e lënë në pritje derisa të përfundojë kjo aventurë e saj.
