Kancelari gjerman Friedrich Merz bëri thirrje për ‘veprim të drejtpërdrejtë nga Bashkimi Evropian në sferën digjitale’ , duke theksuar nevojën që Evropa të fitojë autonomi digjitale nga SHBA dhe Kina.
Gjithashtu presidenti francez Emmanuel Macron tha se Evropa “refuzon të bëhet e varur nga SHBA dhe Kinës në sektorin digjital”.
Duke folur në një samit në Berlin mbi sovranitetin digjital të Evropës, të dy udhëheqësit theksuan vazhdimisht se autonomia digjitale është e lidhur ngushtë me sigurinë dhe prosperitetin e Evropës.
“Ndryshimet që po shohim aktualisht në botë, në qendrat politike dhe ekonomike të pushtetit, kërkojnë veprime të menjëhershme në sferën digjitale”, tha Merz teksa i bëri thirrje Evropës të veprojë për të shmangur lëshimin e ardhshëm të sferës digjitale gjithnjë e më të rëndësishme për SHBA-në dhe Kinën.
“Çështjet e së ardhmes”, tha Kancelari në mënyrë karakteristike, “do të vendosen kryesisht në sferën digjitale dhe SHBA-të dhe Kina, dy superfuqi digjitale, po konkurrojnë për pozicionin udhëheqës në fushën e teknologjisë.
“Evropa nuk duhet t’ua lëshojë këtë fushë atyre (…) Kjo nuk do të thotë që ne mbështesim izolacionizmin dhe proteksionizmin. Ne përjetojmë një varësi nga të dy vendet dhe ky lloj varësie përdoret si levë presioni në politikën e pushtetit”, tha ai dhe gjithashtu theksoi nevojën që Evropa të jetë në gjendje të mbrohet nga sulmet kibernetike dhe fushatat e dezinformimit.
Emmanuel Macron, nga ana e tij, përmendi si përparësi kryesore “preferencën për evropianët”, veçanërisht në prokurimin publik, në mënyrë që të lejohet zhvillimi i “kampionëve” evropianë të teknologjisë.
