Është dëmtuar me mjete të forta nga persona të panjohur një pjesë e kanalit të Ibër-Lepencit në Zubin Potok, njofton Policia e Kosovës.
Sipas raportit të policisë, rasti ka ndodhur mes datave 22-25 nëntor të këtij viti, transmeton KosovaPress.
Policia deklaron po ashtu se dëmi është bërë pikërisht në (by-pass), në vendin ku ka ndodhur sulmi një vit më parë.
“Zubin Potok 22-25.11.2025 – NN. Është raportuar se persona të panjohur me mjete të forta kanë dëmtuar një pjesë të kanalit të Ibër-Lepencit (bajpas-it)”, thuhet në raportin 24 orësh të policisë së Kosovës.
Në mbrëmjen e 29 nëntorit 2024 në Varage ndodhi një shpërthim në kanalin e Ibër-Lepencit, sulm ky i cili ishte dënuar nga Shtetet e Bashkuara të Amerikës dhe vende të tjera të QUINT-it.
