Nën kujdesin e drejtpërdrejtë të kryetarit të Bashkisë Kamëz Rakip Suli festat e nëntorit në Kamëz kanë kaluar përmes një atmosfere mjaft argëtuese kjo fal aktiviteteve të organizuara nga Institucioni i Bashkisë Kamëz përmes Qendrës së Artit dhe Kulturës me drejtoreshë Eueda Shkalla dhe kujdesit të përditshëm për ecurinë e përgatitjeve të festimeve nga nënkryetarja Eralda Çerpia. Pas një pune mjaft organizative dhe më Zyrën Arsimore si dhe shkollat e qytetit, nxënësit i janë përgjigjur thirrjes së Bashkisë për ekspozitën e pikturë quke sjell dhjetëra piktura në të cilat spikat talenti i të ardhmes së këtij qyteti. Në këto punime shihet qartë puna kreative e nxënësve të shkollave të cilët përmes penelit të tyre kanë mundur të sjellin punime mjaft cilësore me tematikën e zgjedhur për festat e nëntorit.
Kryetari i Bashkisë Kamëz Rakip Suli do të vlerësonte aktivitetin ku do të shkruaj në rrjetin social FB –“Në kuadër të festave të nëntorit, pallati i Kulturës “Artan Cuku” në Kamëz u mbush me ngjyra, emocion dhe krenari!
Duarartët e shkollave tona sollën përmes pikturave shpirtin e festave të 28-29 Nëntorit duke na rikujtuar historinë, sakrificat dhe dashurinë për atdheun. Çdo vepër ishte një dëshmi e një brezi të ri që e do dhe e nderon kombin e vet”. Duhet vlerësuar maksimalisht puna e stafit të Qendrës së Artit dhe Kulturës në Bashkinë Kamëz e secilit prej punonjësve veçmas të artistëve të këtij pallati ku me performancat e tyre të shkëlqyera argëtuan të pranishmit në sallën e mbushur plot. Në fund të aktivitetit u shpërndanë dhe certifikata pjesëmarrjes për nxënësit në Ekspozitën e Pikturave.
