Komisioni i Posaçëm për Reformën Zgjedhore ka miratuar me konsensus kalendarin e plotë të punës, që parashikon hartimin e një kodi të ri zgjedhor dhe dërgimin e tij për votim në Kuvend brenda korrikut 2026.
Plani përfshin rishikimin e financimit të partive politike, rregullat e fushatës, strukturën e administrimit të zgjedhjeve, përdorimin e teknologjisë dhe sistemin zgjedhor, ndërsa një pjesë e temave do të trajtohen në bashkëpunim me ODIHR dhe Komisionin e Venecias.
Komisioni ka përcaktuar një afat të detajuar mujor për çdo grup çështjesh, ndërsa dokumentet e miratuara do të publikohen periodikisht për konsultim publik dhe komente nga organizatat vendase e ndërkombëtare.
