Debatet e së shtunës në kryesinë e PD kanë vijuar edhe sot. Pas toneve të larta në selinë blu, Flamur Noka ka shtuar sot reagimet përmes Facebook-ut.
“Delfinët e Narcos, që për pushtet luajnë lojërat e tij dhe flasin gjuhën e tij, në PD ua kemi parë fundin që 35 vjet”, shkruan Noka, pa përmendur emra. Pak minuta para këtij statusi, ai lëshoi edhe një batutë tjetër: “E nisi me bujë si ‘shpëtimtar’ i PD-së, por s’kaluan tre javë dhe katandisi te kërkesa për një karrige”.
Tonet pritet të rikthehen të mërkurën, kur është kërkuar mbledhja e Këshillit Kombëtar të demokratëve. E parashikuar për në orën 17:00, tema e diskutimit do të jetë zhvillimi i protestës së 22 dhjetorit.
