Credins bank vlerësohet me çmimin “Mirënjohje Speciale” për të gjithë kontributin e dhënë në universitetin “Aleksandër Moisiu”.
Në një ceremoni të veçantë me rastin e 20 vjetorit të themelimit të Universitetit “Aleksandër Moisiu”, të ftuar ishin Ministrja e Arsimit znj. Mirela Kumbaro si dhe shumë personalitete të fushës së arsimit, studentë të diplomuar, etj.
Çmimi special iu akordua z. Egi Santo Drejtor i Burimeve Njerëzore në Credins bank, për kontributin e dhënë përmes politikave strategjike të punësimit të shumë studentëve të këtij universiteti në Credins bank.
Sot Credins bank dhe Universiteti “Aleksandër Moisiu” gëzojnë prej vitesh një bashkëpunim të qëndrueshëm institucional në kuadër të mbështetjes së studentëve, një partneritet ky tashmë i konsoliduar, i cili vjen edhe përmes kontributit të veçantë të Degës Credins në qytetin e Durrësit.
Ndihemi krenarë, që përmes investimeve të jashtëzakonshme të zhvilluara në fushën e arsimit, vazhdojmë të luajmë një rol shumë të rëndësishëm në formimin dhe zhvillimin e brezave të rinj.
