Bashkimi Evropian i Transmetimeve (EBU) ka njoftuar nisjen e turit të parë zyrtar “Eurovision Song Contest Live Tour”, i cili do të udhëtojë nëpër Europë këtë verë për të shënuar 70-vjetorin e ngjarjes më të madhe të muzikës live në botë.
Ky koncert unik, i krijuar posaçërisht për vitin jubilar, do të sjellë së bashku artistë ikonë të Eurovision Song Contest dhe interpretuesit e vitit 2026, duke festuar trashëgiminë e konkursit, komunitetin global të fansave dhe shtatë dekada muzikë të paharrueshme.
10 artistë konkurrues nga Eurovision 2026, që do të mbahet në Vjenë, do të bashkohen me turin evropian duke nisur në qershor, por emrat e tyre do të konfirmohen nga EBU pas finales së madhe. Emrat e artistëve ikonë që do të performojnë në çdo qytet do të shpallen në javët e ardhshme, ndërsa në çdo qytet do të ketë edhe të ftuar surprizë.
Artistët do të interpretojnë këngët e tyre me të cilat kanë garuar në Eurovision si dhe versione të preferuara nga historia 70-vjeçare e Konkursit.
Datat e turit “Eurovision Song Contest Live Tour”
Qershor 2026
15 qershor – Londër, Mbretëria e Bashkuar – O2 Arena
17 qershor – Hamburg, Gjermani – Barclays Arena
19 qershor – Milano, Itali – Arena Milano
20 qershor – Cyrih, Zvicër – Hallenstadion
22 qershor – Antëerp, Belgjikë – AFAS Dome
23 qershor – Këln, Gjermani – Lanxess Arena
25 qershor – Kopenhagë, Danimarkë – Royal Arena
27 qershor – Amsterdam, Holandë – Ziggo Dome
29 qershor – Paris, Francë – Açor Arena
Korrik 2026
2 korrik – Stokholm, Suedi – Avicii Arena
