Partia Demokratike ka vendosur të verifikojë të gjithë anëtarësinë.
Në udhëzimin që u është dërguar degëve të Partisë Demokratike thuhet se e gjithë databaza e anëtarësisë do të dorëzohet në mënyrë elektronike. Më pas, kërkohet që të gjithë anëtarët të kontaktohen individualisht për të konfirmuar ose jo vijimin e anëtarësisë në selinë blu. Në rast të moskonfirmimit, ata do të fshihen nga regjistri i anëtarësisë.
Sipas udhëzimit, nuk do të konsiderohen më anëtarë të PD-së ata që: kanë dalë kundër partisë duke u rreshtuar me forca të tjera politike kundërshtare; kanë vepruar kundër vijës politike të PD-së; kanë bashkuar votat apo qëndrimet me kundërshtarët politikë; janë pjesë e administratës dhe kanë dalë në fushatë për kundërshtarët;
kanë mbështetur kundërshtarët në rrjetet sociale; me qëndrimet e tyre kanë thyer disiplinën e partisë dhe rregulloren e saj.
Dokumenta bashkëngjitur
