Moderatorja e njohur, Sylvie Meis ishte me pushime, kur në verën e vitit 2023, hajdutët hynë me forcë në banesën e saj dhe vodhën çanta luksoze si edhe bizhuteri me vlerë mbi 500 mijë euro.
Që në ditën e parë të gjyqit, i pandehuri bëri një rrëfim të plotë.
Njëri nga dy autorët e dyshuar u paraqit më 22 janar para Gjykatës së Lartë Rajonale të Hamburgut, në sallën 398, për akuzën e vjedhjes me thyerje në banesë në bashkëpunim.
Meis nuk ishte e pranishme në ditën e parë të gjyqit. Moderatorja nuk ishte thirrur si dëshmitare.
I pandehuri (M.U) përpiqet ta fshehë fytyrën me ftesën për gjyq, ndërsa fotografët fotografojnë palët para hapjes së seancës. Avokati i tij mbrojtës Su ia tërheq zarfin e verdhë më poshtë mbi fytyrë dhe më pas e mbulon me një dosje.
Shqiptar (M.U)emri i plotë i njohur për FOCUS online akuzohet se, ka hyrë në banesën e Meis midis 6 korrikut 2023, ora 12:08, dhe 14 korrikut 2023, ora 16:01.
Në atë kohë, moderatorja ndodhej me pushime në Ibiza, gjë që e kishte dokumentuar edhe në Instagram.
U vodhën çanta luksoze dhe bizhuteri me vlerë mbi gjysmë milioni euro
Sipas hetimeve, (M.U) dhe bashkëpunëtori i tij kishin hyrë në banesë përmes një ndërtese fqinje, që në atë kohë ishte plotësisht e rrethuar me skela.
Ata depërtuan në apartamentin duplex duke hapur me forcë një dritare tavani që nuk ishte e lidhur me sistem alarmi. Me ndihmën e një shkalle, ata arritën në dhomën e garderobës.
Më pas, vodhën 22 çanta të markës luksoze Hermès, katër nga Chanel, si dhe nga një çantë të markave Bulgari, Céline dhe Yves Saint Laurent, si edhe bizhuteri me vlerë totale rreth 530 mijë euro.
Shqiptari (M.U) baba i dy fëmijëve, thotë se ka marrë 15.000 euro për pjesëmarrjen në vjedhje.
Ai deklaron se nuk e ka bërë këtë për të ushqyer familjen, pasi gjithmonë ka punuar ligjërisht. Nuk ka arsim profesional dhe më parë ka punuar si shofer taksie.
Në rrëfimin e tij, ai përmend edhe vështirësitë shëndetësore në familje që kishin sjellë barrë financiare: nëna e tij është diabetike dhe ka probleme me zemrën, ndërsa babai tashmë i ndjerë vuante nga kanceri dhe kishte nevojë për medikamente të shtrenjta.
Sylvie Meis është një personazh televiziv dhe modele holandeze shumë e njohur, sidomos në Gjermani dhe Holandë.
Prezantuesja, një figurë e njohur e medias në Evropë, e përhapur mes botës së modës, televizionit dhe eventeve publike, dhe është folur për stilin, karrierën dhe jetën e saj personale në media ndër vite./Përshtati VoxNews
