KLGJ vendosi të mos marrë në shqyrtim relacionin e Këshillit të Karrierës mbi verifikimin e mandatit të gjyqtares Irena Gjoka.
Me shumicë votash, anëtarët e KLGJ vlerësuan se shqyrtimi duhet të bëhet nga Inspektorati i Lartë i Drejtësisë, për shkak se diskutimi mbi papërshtatshmërinë e gjyqtares ka lindur pasi ajo e ka marrë statusin e magjistrates, shkruan A2.
Pra, relacioni i verifikimit të mandatit për Gjokën do të vlerësohet nga ILD, e më pas do të jetë ky institucion që do të vlerësojë nëse duhet shkuar ose jo në KLGJ për të kerkuar ndërprerje të statusit të gjyqtares për Gjokën.
