Kosova nuk do të përfitojë asnjë euro nga paratë e Bashkimit Europian të dedikuara për nxitjen e zhvillimit të infrastrukturës dhe rritjes së sektorit privat në Ballkanin Perëndimor.
Ky përjashtim vjen për shkak të krizës politike në vend, pas zgjedhjeve të vitit të kaluar, kur asnjëra nga partitë nuk arriti të fitonte një shumicë të plotë dhe, si pasojë, zyrtarizimi i Kuvendit u shty për më shumë se 10 muaj.
Për të përfituar nga Plani i Rritjes me buxhet prej 171 milionë eurosh, Prishtina duhet të konstituojë Kuvendin e ri të dalë nga zgjedhjet paraprake të 28 dhjetorit.
Dy të tretat e votave do të jenë gjithashtu të nevojshme, përfshirë edhe ato të opozitës, e cila refuzoi ta bënte një gjë të tillë përpara shpërndarjes së Kuvendit në muajin dhjetor.
Në fillim të këtij muaji, Komisioni Evropian i bëri thirrje Kosovës ta ratifikojë sa më shpejt marrëveshjen për Planin e Rritjes.
Plani i Rritjes është një paketë financimi e BE-së për gjashtë vendet e Ballkanit Perëndimor: Kosovën, Shqipërinë, Maqedoninë e Veriut, Malin e Zi, Serbinë dhe Bosnje-Hercegovinën, me qëllim përafrimin e këtyre ekonomive me standardet evropiane.
Projektet e Bashkimit Europian janë të orientuara drejt përgatitjes së investimeve të ardhshme në sektorët e energjisë, furnizimit me ujë, inovacionit dhe kërkimit
