Në kuadër të Konferencës së Sigurisë së Mynihut (#MSC2026), Ministri i Jashtëm i Estonisë, Margus Tsahkna, ka ndarë një fotografi në rrjetin social X (ish-Twitter) ku shfaqet edhe Lulzim Basha.
Tsahkna thekson se “Rusia duhet të paguajë për atë që ka shkatërruar” dhe se përdorimi i aseteve ruse të ngrira mbetet i diskutueshëm, duke e lidhur këtë me diskutimet intensive të takimit dhe figurat e pranishme në panel.
Kujtojmë se Basha është caktuar raportues për çështjen e konfiskimit të aseteve ruse nga Komiteti për Çështjet Politike dhe Demokracinë në Asamblenë Parlamentare të Këshillit të Europës, me unanimitet. Ai është gjithashtu iniciatori i një rezolute historike të miratuar në Këshillin e Europës, e cila lidhet me konfiskimin e aseteve ruse dhe vendosjen e tyre në shërbim të rindërtimit të Ukrainës.
Postimi i Tsahknas në X:
