Arritja e objektivave për anëtarësim në Bashkimin Evropian në sektorin e ujësjellës – kanalizime kërkon rreth 6 mld euro.
Shifrat janë bërë publike nga zv.ministrja e Infrastrukturës dhe Energjisë, Enkelejda Muçaj gjatë diskutimit në komisionet parlamentare të një kredie 47 mln euro dhe një granti prej 3 mln euro, për investime në këtë sektor.
Muçaj bëri me dije dhe zonat ku do të investohet, përmes programit të ri që ka si qëllim të kontribuojë në financimin e investimeve për rehabilitimin e zgjerimin e sistemeve të furnizimit me ujë dhe eliminimit të ujërave të ndotura.
Ndërkaq, deputetët e opozitës ngritën shqetësime mbi mungesën e ujit në shumë zona të vendit, duke kërkuar zgjidhje.
