Kanë mbetur edhe dy javë afat për zgjedhjen e presidentit të ri të vendit. Bisedimet e Vetëvendosjes me partitë e tjera politike ende nuk kanë nisur.
Ndonëse kryeministri, pasi mori detyrën, disa herë paralajmëroi se të nesërmen ishte i gatshëm të nisin bisedimet, tashmë kjo çështje është lidhur me buxhetin e shtetit.
Nga Vetëvendosje kanë thënë për media se presin që fillimisht të kalojë buxheti i shtetit edhe në lexim të dytë në Kuvend dhe më pas të zhvillohen bisedimet për çështjen e presidentit.
“Është e rëndësishme që të finalizohet çështja e buxhetit; nesër është seanca në lexim të dytë. Pas miratimit të buxhetit, vazhdojmë me diskutimet për zgjedhjen e presidentit”, tha Grafika Aberie Nagavci, shefe e GP të LVV-së.
Me gjashtë vota pro, tre kundër dhe një abstenim, Komisioni për Legjislacion, Mandate dhe Imunitete ka votuar projektbuxhetin e vitit 2026.
Nga partitë opozitare, ndonëse nuk kanë dashur të flasin para kamerës, kanë konfirmuar për TV Klan se ende nuk kanë marrë ftesë nga Vetëvendosje për nisjen e konsultimeve për çështjen e presidentit.
Opozita ka kërkuar marrëveshje politike për këtë çështje. Nëse nuk ka pajtueshmëri dhe presidenti i ri i vendit nuk votohet brenda dy javësh, atëherë vendi më 5 mars shkon sërish në zgjedhje të reja.
