Presidentja e Kosovës, Vjosa Osmani, ishte sot e pranishme në mbledhjen inauguruese të Bordit të Paqes që u mbajt në Uashington.
Në një postim në Facebook, ku publikoi disa foto nga takimi, Osmani shprehu mirënjohjen e saj për mbështetjen amerikane.
“Kosova sot ndjeu peshën e garancisë amerikane! Faleminderit, President Trump!”, shkruan Presidentja e Kosovës.
Gjatë fjalës së tij, presidenti i SHBA, Donald Trump përmendi Kosovën dhe Serbinë, duke i garantuar mbështetje në rast të problemeve mes dy vendeve.
“Çfarë pune që keni bërë, e vlerësojmë! Po shkoni mirë me njëri-tjetrin dhe kur të mos shkoni mirë me njëri-tjetrin më merrni në telefon,” tha Trump gjatë fjalës së tij.
