Pak ditë më parë Këshilli i Ministrave ka miratuar një vendim të rëndësishëm që prek drejtpërdrejt strukturën dhe nivelet e pagave për punonjësit mësimorë dhe ata jomësimorë në sistemin e arsimit parauniversitar në vend. Tashmë ky vendim është botuar edhe në Fletoren Zyrtare.
Përmes Vendimit Nr. 127, të firmosur nga Kryeministri Edi Rama, qeveria ka saktësuar ndryshimet e reja financiare, të cilat përfshijnë një indeksim të përgjithshëm si dhe një politikë specifike të rritjes së pagave për disa kategori të caktuara të stafit arsimor.
Kategoritë që përfitojnë dhe masa e rritjes
Sipas zbardhjes së vendimit, ndryshimet në vlerën e “pagës së pozicionit” ndahen në dy fasha kryesore për punonjësit e institucioneve arsimore:
Indeksim + rritje page
Për disa pozicione specifike, rritja e pagës do të jetë një kombinim mes indeksimit prej 2.5% dhe politikës së re të rritjes së pagave të ndërmarrë nga qeveria.
Indeksim 2.5% do të ketë për të gjitha pozicionet e tjera të papërfshira në fashën e mësipërme. Paga do të reflektojë vetëm rritjen si pasojë e indeksimit në masën 2.5%.
Mbulimi financiar dhe hyrja në fuqi
Edhe pse vendimi është marrë në fund të muajit shkurt 2026, ai ka efekt prapaveprues. Sipas VKM-së, efektet financiare shtrihen duke filluar që nga data 1 janar 2026, që do të thotë se punonjësit e arsimit do të marrin edhe diferencën e prapambetur të muajve të parë të vitit.
Çfarë do të thotë “efekti prapaveprues” për xhepin e mësuesve?
Ndonëse vendimi është marrë në fund të muajit shkurt 2026, pika e fundit e tij saktëson se efektet financiare fillojnë zyrtarisht nga data 1 janar 2026. Në terma praktikë, kjo do të thotë se rritja ka “efekt prapaveprues”. Për çdo mësues dhe punonjës të arsimit, kjo përkthehet në përfitimin e diferencës së prapambetur për muajt e kaluar. Pra, në kalimin e radhës të pagave, përveç rrogës së re të rritur, punonjësit do të marrin edhe shtesën e akumuluar për muajt janar dhe shkurt, periudhë gjatë së cilës ata u paguan me vlerën e vjetër.
Fondi për mbulimin e kësaj rritjeje është i garantuar dhe do të përballohet nga buxheti i miratuar i shtetit për vitin 2026. Për stafin që varet nga pushteti lokal, kostot do të mbulohen nga transfertat buxhetore drejt bashkive, si dhe nga të ardhurat e vetë njësive të vetëqeverisjes vendore.
Për zbatimin e këtij vendimi, qeveria ka ngarkuar Ministrinë e Arsimit, Ministrinë e Ekonomisë dhe Inovacionit, si dhe njësitë e qeverisjes vendore.
Vlerat e elementit “pagë për pozicion”
