Armando Broja ka djegur etapat dhe ka rikuperuar më shpejt se sa mendohej nga dëmtimi i tij që e mbajti prej rreth muaji jashtë fushave të lojës.
Pritej që futbollisti të kthehej në dispozicion të trajnerit Parker vetëm në ndeshjen e javës së ardhshme, ndonëse kishte nisur prej ditësh stërvitjen me grupin.
Por duket se ai ka treguar në stërvitjen e fundit se është gati që për ndeshjen e kësaj jave.
Ndaj me publikimin e formacioneve të sfidës ndaj Bërnmuthit, trajneri Parker i ka befasuar të gjithë duke vendosur Brojën në stolin e rezervave.
Kjo do të thotë se për trajnerin ai është gati për të dhënë kontributin e tij që në këtë sfidë, ndonëse në rolin e një zëvendësuesi.
