Ndeshja u ndërpre nga minuta e 69-të deri në të 82-tën, ndërsa ardhja e ambulancës së dytë vonoi rifillimin e takimit
Ndeshja midis Flamurtarit dhe Elbasanit u ndërpre për rreth 13 minuta pas një përplasjeje mes portierit çek, Martin Janaček, dhe lojtarit Erald Maksuti. Pas incidentit, Janaček u zëvendësua dhe u dërgua menjëherë në spital për kontrolle mjekësore.
Klevi Totoshi mori vendin e Janaček te Elbasani, duke shfaqur një performancë heroike në ato minuta të lojës, duke pritur dy penallti të Herald Markut.
Në fund, rezultati mbeti 1-2 në favor të Elbasanit, që me këtë fitore synon të ngjitet pranë Vllaznisë në krye të renditjes së Superligës.
