Java ka nisur me diell dhe temperatura tipike pranverore, por në mesjavë pritet një ndryshim i motit. Sipas parashikimeve, kushtet atmosferike do të bëhen më të paqëndrueshme dhe temperaturat do të pësojnë një rënie të lehtë.
Termometri nuk pritet të ngjitet më shumë se 17 gradë Celsius, ndërsa vranësirat dhe reshjet e herëpashershme te shiut po mund të shfaqen në disa zona të vendit si dhe reshje debore do te kete ne zonat verilindore dhe juglindore.
Sinoptikanët paralajmërojnë se dita e enjte mund të sjellë vështirësi edhe për lundrimin detar, për shkak të forcimit të erës.
Megjithatë, sipas parashikimeve, fundjava pritet të rikthejë motin e qëndrueshëm, me kthjellime dhe temperatura më tipike për stinën e pranverës.
