Kuvendi ka miratuar rezolutën e paraqitur nga grupi parlamentar i PS-së dhe shpall Iranin shtet terrorist.
Me 79 votat e mazhorancës socialiste, pas fjalës së mbajtur nga kreu i grupit Taulant Balla, u kalua rezoluta e propozuar.
Pati vetëm një abstenim nga deputeti i Lëvizjes Bashkë, Redi Muçi, ndërsa prezent nga opozita ka qenë edhe deputeti Erald Kapri.
58 deputetë të opozitës, kryesisht PD, nuk ishin prezent në këtë seancë, pasi e quajtën axhendë personale të kryeministrit Edi Rama dhe fasadë.
