Këta që shihni në foto janë çifti i bashkëshortëve Shefit dhe Dashuri Rrapaj, të cilët kanë humbur jetën nga krimi i rëndë që ndodhi këtë të martë (24 mars) në banesën e tyre në fshatin Kuman, të Bashkisë së Rroskovecit.
Ngjarja e rëndë ka ndodhur rreth orës 14:30. Dashurie Rrapaj (75 vjeç) u gjet pa shenja jetë në banesën e saj, pasi u qëllua me pushkë nga bashkëshorti, 80-vjeçari Shefit Rrapaj.
Startnews.al ka arritur të sigurojë edhe foton e autorit të krimit të rëndë, 80-vjeçarit Shefit Rrapaj.
Deri më tani nuk dihen rrethanat e plota të ngjarjes. Ndërkohë që në vendin e ngjarjes ndodhen hetuesit.
Trupat e pajetë të çiftit ndodhen ende në banesë, ku po bëhet ekspertiza mjekoligjore. Nga një video shihen familjarët të cilët debatojnë me policisë, pasi kërkojnë që të futen brenda.
Sipas informacioneve të deritanishme mësohet se çifti kishte nëntë fëmijë, të gjithë në emigrimit. Vetëm njëri prej tyre kishte rreth një muaj që ishte kthyer në Shqipëri.
